Ayollar salomatligi va bachadon bo‘yni eroziyasi
Biz tushunamizki, ayollar salomatligiga taalluqli har qanday kasallik tashvishga sabab bo‘lishi mumkin. Bachadon bo‘yni eroziyasi – ko‘pincha turli afsona va qo‘rquvlar bilan o‘ralgan mavzulardan biridir. Ushbu maqolada ushbu holat haqida batafsil tushuntiramiz:
• Bachadon bo‘yni eroziyasi nima?
• U qanday sabablarga ko‘ra paydo bo‘ladi?
• Qanday davolash usullari mavjud?
• Bu holat qanchalik xavfli?
Bachadon bo‘yni eroziyasi – bu nima?
Bachadon bo‘yni eroziyasi – bachadon bo‘ynining tashqi yuzasida oddiy to‘qimalardan farqli joylar paydo bo‘lishi bilan tavsiflanadi. Ular qizarish yoki mayda yaralar shaklida ko‘rinishi mumkin, lekin bu har doim ham to‘qimalarning shikastlanishi bilan bog‘liq emas.
Ko‘pincha eroziya hech qanday alomatlarsiz kechadi, va ko‘plab ayollar bu haqida faqatgina ginekologik tekshiruv vaqtida bilishadi. Bu holat klassik kasallik hisoblanmaydi, lekin doimiy kuzatish va zarurat tug‘ilganda davolash talab etiladi.
Bachadon bo‘yni eroziyasining sabablari
Eroziyaning paydo bo‘lishiga turli sabablar ta’sir qilishi mumkin. Eng asosiy omillar quyidagilar:
- Gormonal o‘zgarishlar.
- Eroziya yoshlik davrida, homiladorlik paytida yoki gormonal dorilar qabul qilinganda ko‘proq uchraydi.
- Gormonlar bachadon bo‘yni shilliq qavatining tuzilishiga ta’sir qiladi va uni yanada sezgir qiladi.
- Infeksiyalar va yallig‘lanish jarayonlari.
- Xlamidioz, gonoreya kabi jinsiy yo‘l bilan yuqadigan infeksiyalar yoki bakterial vaginoz eroziyaning rivojlanishiga sabab bo‘lishi mumkin.
- Mexanik shikastlanishlar.
- Tug‘ruq paytidagi jarohatlar, abort amaliyotlari yoki gigiyenik tamponlardan noto‘g‘ri foydalanish bachadon bo‘ynining shikastlanishiga olib kelishi mumkin.
- Immunitetning pasayishi.
- Immun tizimining zaiflashishi organizmni turli o‘zgarishlarga nisbatan yanada sezgir qiladi.
Bachadon bo‘yni eroziyasining simptomlari
Yuqorida aytib o‘tilganidek, bachadon bo‘yni eroziyasi ko‘pincha hech qanday alomatlarsiz o‘tadi. Biroq, ayrim hollarda quyidagi belgilar kuzatilishi mumkin:
- Noodatiy ajralmalar. Ajralmalar miqdorining ortishi, rang yoki hidning o‘zgarishi.
• Qonli ajralmalar, ayniqsa jinsiy aloqadan keyin. Bu bachadon bo‘yni to‘qimalarining yuqori sezgirligi bilan bog‘liq.
• Jinsiy aloqada noqulaylik yoki og‘riq. Ba’zi ayollar jinsiy aloqada yengil noqulaylik sezishlari mumkin.
Agar siz ushbu simptomlardan birini sezsangiz, shifokorga borishni kechiktirmang. Erta tashxis qo‘yish kelajakdagi asoratlarning oldini olishga yordam beradi.
Bachadon bo‘yni eroziyasi qanday aniqlanadi?
Bachadon bo‘yni eroziyasi ginekolog tomonidan quyidagi diagnostika usullari yordamida aniqlanadi:
- Ko‘zgular yordamida vizual ko‘rik. Shifokor bachadon bo‘ynining holatini baholaydi va o‘zgarishlarni aniqlaydi.
• Kolposkopiya. Katta aniqlikka ega kolposkop yordamida bachadon bo‘ynining tuzilishini chuqurroq ko‘rib chiqish imkonini beruvchi usul.
• Sitolgiya bo‘yicha surtma olish. Atypik hujayralar mavjudligini aniqlash uchun zarur bo‘lgan tahlil. Bu ba’zan jiddiyroq patologiyalarni istisno qilishga yordam beradi.
• Infeksiyalar uchun tahlillar. Eroziyaning infeksion tabiatini istisno qilish uchun shifokor jinsiy yo‘l bilan yuqadigan kasalliklarni aniqlash yoki bakteriologik ekish tahlillarini tayinlashi mumkin.
Bachadon bo‘yni eroziyasini davolash usullari
Eroziya uning kattaligi, sababi va bemorning umumiy holatiga qarab davolanadi. Yosh bemorlarda gormonal muvozanat tiklangach, o‘z-o‘zidan yo‘qolib ketishi mumkin. Ammo shifokor davolanishni tavsiya etsa, uni ortga surish tavsiya etilmaydi.
1. Medikal (dorilar yordamida) davolash
Agar eroziya infeksiya tufayli yuzaga kelgan bo‘lsa, shifokor quyidagi dorilarni tavsiya qilishi mumkin:
- Antibiotiklar yoki yallig‘lanishga qarshi dorilar;
- Vaginal mikroflorani tiklovchi vositalar.
2. Jarrohlik aralashuvi
Agar eroziya o‘z-o‘zidan yo‘qolmasa yoki asoratlanish xavfi bo‘lsa, shifokor zararlangan to‘qimalarni olib tashlash usullaridan birini tavsiya qilishi mumkin:
- Lazerli koagulyatsiya – aniq va travmatik bo‘lmagan usul, zararlangan to‘qimalarni aniq olib tashlash imkonini beradi.
- Radioto‘lqinli usul – og‘riqsiz va samarali bo‘lib, hech qanday chandiq qoldirmaydi.
- Kriodestruksiya (muzlatish) – o‘zgargan to‘qimalarni suyuq azot bilan yo‘q qilish usuli.
- Diatermokoagulyatsiya – elektr toki yordamida eroziyani kuydirish (hozirda kam qo‘llaniladi, chunki chandiqlar qoldirishi mumkin).
3. Kuzatish
Agar ayol hali farzand ko‘rmagan bo‘lsa, ba’zi klinik hollarda shifokor dori yoki jarrohlik aralashuvisiz kuzatish taktikasini tanlashi mumkin.
Eroziyaning oldini olish usullari
Bachadon bo‘yni eroziyasining oldini olish uchun quyidagi oddiy qoidalarga amal qilish tavsiya etiladi:
- Ginekologga muntazam ravishda borish va profilaktik tekshiruvlardan o‘tish.
- Intim gigiyenaga rioya qilish, lekin agressiv vositalardan foydalanmaslik (bu vaginal mikrofloraga zarar yetkazishi mumkin).
- Jinsiy yo‘l bilan yuqadigan kasalliklardan himoya qilish uchun prezervativlardan foydalanish.
- Sog‘lom turmush tarzini olib borish, immunitetni mustahkamlash va stressdan qochish.
So'rov yuboring
Sharhlar
Благодаря Умаровой Куляш Акылбековне, ждём маленькую принцессу. Получилось с первой попытки. Спасибо Израильскому Центру за хороших специалистов!
Одна из лучших специалистов в Ташкенте у кого мы были. Доктор Ганиева оказывает высокопрофессиональный и максимально скурпулезный подход к каждой роблеме.
Хотелось бы выразить благодарность врачам клиники. Замечательный коллектив , профессионалы в своём деле . Была на приеме у гинеколога Исмаиловой З.И. Все грамотно и доступно объяснила и наметили план лечения. Давно искала такого врача, которому можно полностью довериться . Планирую так же посетить в этой клинике эндокринолога , о ней очень хорошие рекомендации пациентов
Генетик врач Светлана Андревна топ. Очень грамотный специалист, все объяснила доступно. Очень рекомендую!
Зашёл сегодня на консультацию к кардиологу Кеворкову Амаяк Георгиевичу с жалобами. Он выслушил все мои жалобы, чётко собирал анамнез, проводил физикальный осмотр. Короче всё на высшем уровне. Профессионалы своего дела. Всем советую эту клинику. От меня большой лайк!
Ko‘p beriladigan savollar
Bachadon bo‘yni eroziyasi – bu saratonmi?
Yo‘q, eroziya o‘zi saraton kasalligi emas. Ammo kamdan-kam hollarda shu sohadagi hujayralar o‘zgarishlarga uchrashi mumkin, bu esa yanada chuqurroq nazorat qilishni talab etadi. Shu sababli ginekologga muntazam tashrif buyurish juda muhim.
Eroziya bilan homilador bo‘lish mumkinmi?
Ha, eroziya homiladorlikka ta’sir qilmaydi. Ammo homiladorlikni rejalashtirishdan oldin shifokor bilan maslahatlashish tavsiya etiladi, chunki ba’zi hollarda eroziya infektsiyalar bilan bog‘liq bo‘lishi mumkin.
Eroziyani davolash jarayoni og‘riqlimi?
Zamonaviy usullar, masalan, lazer yoki radioto‘lqin terapiyasi deyarli og‘riqsiz o‘tadi. Ba’zan biroz noqulaylik sezilishi mumkin, ammo u tezda o‘tib ketadi.
Agar eroziya hech qanday simptom bermasa, uni davolash kerakmi?
Ha, hatto simptomlar bo‘lmasa ham, eroziya vaqt o‘tishi bilan yomonlashishi yoki boshqa jiddiy kasalliklarni yashirishi mumkin. Shu sababli, shifokorning tavsiyalariga rioya qilish muhim.
Eroziya tashxisi qo‘yilgan bo‘lsa, ginekologga qanchalik tez-tez borish kerak?
Bu bachadon bo‘ynining holatiga va shifokorning tavsiyalariga bog‘liq. Agar qo‘shimcha xavf omillari bo‘lmasa, yiliga 1-2 marta tashrif buyurish kifoya.
2 года искала хорошего эндокринолога и нашла в IVF Негина Пулатовна, врач с большим опытом. Огромное ей спасибо. В центре делают самые точные анализы . Система получения ответов анализов и рекомендаций настроена на высшем уровне.