EKU tabiiy siklda nima?

Ushbu usul bir qator afzalliklarga ega:

✔ Ko‘p homiladorlik xavfi minimal darajada
Bachadonga faqat bitta, ba’zan esa ikki embrion joylashtiriladi.

✔ Jarayonning tabiiyligi oshadi
Tabiiy siklda EKU jarayonida tibbiy aralashuv klassik protokol bilan solishtirganda minimal bo‘ladi. Mutaxassis faqat tuxum hujayralarni olib, embrionni ko‘chirib o‘tkazadi. Bo‘lajak ona gormonal ta’sirga duch kelmaydi, tuxum hujayralar tabiiy ravishda shakllanadi.

✔ Davolash narxi pastroq
Tabiiy siklda EKU dasturining narxi ancha arzon, chunki tuxumdonlarni stimulyatsiya qiluvchi gormonal dorilar sotib olish talab etilmaydi.

✔ Cheklanmagan urinishlar
Klassik EKUda endokrin dorilar ishlatilgani sababli organizmga «dam berish» kerak bo‘ladi. Tabiiy siklda esa bunday pauzalar talab etilmaydi, tuxumdon zahirasining kamayish xavfi ham kamroq. Shu bois homiladorlikka erishilgunga qadar jarayon istalgancha takrorlanishi mumkin.

Tavsiya etiladigan holatlar:

• Yosh factor. Tabiiy siklda EKU 35 yoshgacha bo‘lgan yosh ayollar uchun mos keladi.
• Barqaror menstrual sikl. Shifokor ovulyatsiya sanasini aniq bilishi kerak, shunda protsedura muvaffaqiyatli bo‘ladi.
• Fallop naychalari berk bo‘lsa. Fallop naychalari tuxumdon va bachadonni bog‘lovchi yo‘l Oddiy homiladorlik jarayoni aynan shu naychalarda sodir bo‘ladi. Agar ular berk bo‘lsa, homiladorlik bachadon tashqarisida rivojlanishi mumkin, bu esa ayol organizmi uchun juda xavfli. Bunday hollarda, agar tuxumdonlar sog‘lom bo‘lsa, tabiiy siklda EKU yordamida tuxum hujayrani bachadonga joylashtirish imkoniyati mavjud.
• Tuxumdonlar stimulyatsiyaga javob bermasa. Ba’zan gormonal stimulyatsiya o‘tkazilsa ham, atigi 2-3 tuxum hujayra shakllanadi. Bunday hollarda gormonal stimulyatsiyaning foydasi yo‘q, shuning uchun tabiiy siklda EKU tavsiya etiladi.
• Tuxum hujayralar zaxirasi kamaygan bo‘lsa. Agar ovarial zaxira past bo‘lsa, gormonal stimulyatsiya tuxumdonlarning yanada tezroq kamayishiga olib kelishi Bunday hollarda tabiiy siklda EKU afzalroq bo‘ladi.
• Gormonlar bilan tayyorgarlik ko‘rib bo‘lmasa. Agar bemorga gormonal stimulyatsiya taqiqlangan bo‘lsa, tabiiy siklda EKU yaxshi alternativ hisoblanadi. Bunday holatlarga quyidagilar kiradi:
  • Onkologik kasalliklar
  • Giperstimulyatsiya sindromi
  • Gormonal tizim patologiyalari
  • Jigar va buyrak yetishmovchiligi
• Erkak bepushtligi sababli homiladorlik bo‘lmasa. Agar ayolning reproduktiv tizimi sog‘lom bo‘lsa, lekin er bepushtlik muammosiga duch kelgan bo‘lsa, shifokor tabiiy siklda EKUni tavsiya qilishi mumkin. Bu holda mos sperma Agar erkakning spermatogenezida muammo bo‘lsa va sog‘lom spermatozoid olish imkoni bo‘lmasa, donorlik spermasidan foydalaniladi.

Qaysi hollarda tabiiy siklda EKU o‘tkazilmaydi?

• 35 yosh va undan katta yosh. Ayolning yoshi ulg‘aygan sari tuxum hujayralar sifati pasayadi, ularning soni kamayadi, shuningdek, kelajakdagi farzandda genetik patologiyalar xavfi ortadi.
• Ovulyatsiya bo‘lmasa. Agar tuxum hujayraning etuk bo‘lish jarayoni sodir bo‘lmasa, tabiiy siklda EKUni amalga oshirishning iloji yo‘q.
• Noto‘g‘ri menstrual sikl. Agar bemorda menstrual sikl muntazam bo‘lmasa, tuxum hujayraning qachon yetilishini kuzatish qiyin bo‘ladi. Bu esa EKU jarayonini murakkablashtiradi.
• Bachadon kasalliklari. Agar ayolda bachadon shilliq qavatiga ta’sir qiluvchi patologiyalar, masalan, o‘smalar (o‘simtalar) mavjud bo‘lsa, embrionning muvaffaqiyatli joylashish ehtimoli juda past bo‘ladi. Bunday hollarda avval asosiy kasallikni davolash kerak.

Tabiiy siklda EKU bajarilganda, shifokor rivojlanayotgan tuxum hujayralarning sifatiga bevosita ta’sir o‘tkaza olmaydi. Shu sababli ayolning umumiy sog‘lig‘ini baholash juda muhim, chunki u yuqori sifatli tuxum hujayrasi yetishtira olishi va homiladorlik ona organizmiga zarar yetkazmasligi kerak.

Shu sababli, bemor EKU protsedurasidan oldin quyidagi kompleks tekshiruvlardan o‘tishi shart:

• Qon tekshiruvi (umumiy, biokimyoviy va gormonlar bo‘yicha).
• Siydik tahlili.
• Sut bezlarining ultratovush diagnostikasi (UZİ).
• Kichik tos a’zolarining UZİ.
• EKG (elektrokardiografiya).
• Ginekolog, reproduktolog va terapevt bilan maslahat.

EKUga tayyorlanish vaqtida sog‘lom turmush tarziga rioya qilish va quyidagi tavsiyalarga amal qilish kerak:

• Spirtli ichimliklar va giyohvand moddalarni iste’mol qilmaslik.
• Chekishdan voz kechish (shu jumladan elektron sigaretlar ham zararli).
• Stressni imkon qadar kamaytirish.
• Sog‘lom ovqatlanish tamoyillariga rioya qilish.
• Jismoniy faollikni saqlash (haddan tashqari kuchli yuklamalarsiz).
• Tungi uyqu sifatini yaxshilash, yetarlicha uxlash.
• Og‘ir yuklarni ko‘tarmaslik.
• Ultrabinafsha nurlanish, rentgen nurlari kabi zararli ta’sirlardan imkon qadar qochish.

Ba’zan shifokorlar dastlab EKU dasturini bajarishga to‘sqinlik qiladigan kasalliklarni aniqlashlari mumkin. Shuning uchun, avval ushbu kasalliklarni davolash kerak.

Tayyorlov bosqichining asosiy maqsadi – ayol organizmini mustahkamlash. To‘g‘ri tayyorgarlik ko‘rish – homiladorlik ehtimolini oshirish va bolani muvaffaqiyatli ko‘tarishga yordam beradi.

Jarayon deyarli klassik EKUdan farq qilmaydi. Asosiy farq – bunda gormonal stimulyatsiya qo‘llanilmaydi. Barcha boshqa bosqichlar bir xil:

• Tayyorlov bosqichi – Bemor sog‘lig‘ini mustahkamlash va zarur tekshiruvlardan o‘tish.
• Follikul rivojlanishini kuzatish – Shifokor tuxum hujayraning yetilishini ultratovush yordamida nazorat qiladi.
• Follikul punktatsiyasi – Yetilgan tuxum hujayra maxsus igna yordamida tuxumdonlardan olinadi.
• Tuxum hujayraning urug‘lantirilishi – Tuxum hujayra laboratoriyada sperma bilan urug‘lantiriladi.
• Embrionni yetiltirish (kultivatsiya qilish) – Embrion bir necha kun maxsus muhitda rivojlantiriladi.
• Embrionni bachadonga joylashtirish – Sog‘lom rivojlangan embrion bachadonga o‘tkaziladi.

Tabiiy siklda EKU bemor organizmi uchun eng fiziologik va yumshoq usul hisoblanadi. Bunda gormonal ta’sir kamayadi, tuxum hujayralar tabiiy ravishda yetiladi va bemor organizmi uchun ortiqcha yuk bo‘lmaydi.

• Tabiiy siklda EKU o‘tkazilganda faqat 1-2 ta embrion hosil bo‘ladi, shuning uchun homiladorlik ehtimoli an’anaviy metodikaga qaraganda ancha past.
• Yetilgan tuxum hujayraning mos kelish ehtimoli faqat 10%. Ko‘pincha follikul bo‘sh bo‘lib chiqadi yoki tuxum hujayra hayotga layoqatsiz bo‘ladi.
• Urinishlarning faqat 25% urug‘lantirish bilan yakunlanadi. Hatto tuxum hujayra yaxshi bo‘lsa ham, embrion rivojlanmay qolishi mumkin.
• Embrionning bachadonga yopishib qolish ehtimoli 16% ni tashkil etadi. Ammo bu ham 100% natijani kafolatlamaydi.

EKU natijalariga salbiy ta’sir ko‘rsatishi mumkin bo‘lgan asosiy omillar:

• Tuxum hujayra yoki spermatozoid sifati past bo‘lsa.
• O‘ta erta ovulyatsiya sodir bo‘lsa.
• Spirtli ichimliklar iste’mol qilinsa.
• Chekish odati mavjud bo‘lsa.
• Juda kuchli jismoniy yuklamalar bo‘lsa.

Ko‘rib chiqilgan metodikaning ham ijobiy, ham salbiy tomonlari mavjud.

Afzalliklari:

• Minimal gormonal yuklama – organizm sun’iy gormonlar ta’siriga duch kelmaydi.
• Narxi an’anaviy EKUga nisbatan past – gormonal dorilar talab etilmagani sababli.
• Urinishlar soni cheklanmagan – organizmga ortiqcha yuk tushmagani uchun ko‘p marta sinash mumkin.
• Ko‘p homiladorlik ehtimoli juda past – faqat bitta yoki ikkita embrion qo‘yiladi.

Kamchiliklari:

• Homiladorlik ehtimoli past – mos keladigan va muvaffaqiyatli urug‘lantiriladigan tuxum hujayra topish juda qiyin.
• Har bir bemorga mos kelmaydi – EKUning bu turi faqat ma’lum guruhdagi ayollarga tavsiya etiladi.

Farzand dunyoga keltirish – muhim va mas’uliyatli jarayon. Har bir bemorga individual yondashish kerak.

Sun’iy urug‘lantirish jarayonida muvaffaqiyat ehtimolini oshirish uchun tajribali mutaxassis bilan maslahatlashish muhimdir.

Toshkentdagi Isroil tibbiyot markazida (IMC) siz har doim bunday mutaxassislarni topishingiz mumkin.

☎ +998 555 020 300 raqamiga qo‘ng‘iroq qiling yoki veb-sayt orqali ro‘yxatdan o‘ting!