Qalqonsimon bez ultratovush tekshiruvi

Qalqonsimon bez organizmdagi barcha tizimlar, jumladan, sut bezlari va reproduktiv tizim faoliyatini nazorat qiluvchi gormonlarni ishlab chiqaradigan muhim a’zodir. Ushbu bezning faoliyatidagi buzilishlar umumiy salomatlikning yomonlashishiga va ba’zan psixologik muammolar kabi ko‘rinadigan alomatlarga olib kelishi mumkin.

Qalqonsimon bez ultratovush tekshiruvi yordamida shifokor bezning hajmi, shakli va tuzilishidagi o‘zgarishlarni aniqlashi, shuningdek, tugunlar, kistalar va boshqa o‘sma tuzilmalarni topishi mumkin. Tekshiruv paytida odatda qalqonsimon bezning orqasida yoki yonida joylashgan to‘rtta qo‘shimcha bez ham ko‘rib chiqiladi. Qalqonsimon bez kasalliklarida, xususan, saraton kasalliklarida bo‘yin limfa tugunlarining kattalashishi kuzatilishi mumkin, shuning uchun tekshiruv davomida yaqin atrofdagi limfa tugunlarining holati ham baholanadi. Bu usul gipotireoz, giperterioz, zub va qalqonsimon bez saratoni kabi kasalliklarni tashxislashda

Qalqonsimon bez ultratovush tekshiruvi bo‘yin to‘qimalari orqali o‘tuvchi va turli tuzilmalardan aks etuvchi ultratovush to‘lqinlaridan foydalanadi. Ultratovush apparatiga ulangan maxsus datchik ushbu tovush to‘lqinlarini ishlab chiqaradi va aks ettirilgan to‘lqinlarni qabul qiladi. Kompyuter olingan ma’lumotlarni qayta ishlaydi va real vaqtda ekran orqali ko‘rsatadi. Ushbu tasvirlar shifokorga bezning holatini baholash va muammolar mavjudligini aniqlashga yordam beradi.

Qalqonsimon bez ultratovush tekshiruvi quyidagi hollarda tavsiya etiladi:

• Qalqonsimon bezning kattalashishi (zub).
• Shifokor tekshiruv paytida bezdagi o‘sma tuzilmalarni paypaslab topganda.
• Qalqonsimon bez faoliyati bilan bog‘liq gormonal buzilishlar (gipotireoz, giperterioz).
• Qalqonsimon bez kasalliklariga irsiy moyillik mavjudligi.
• Operatsiyaga tayyorgarlik yoki jarrohlik davolashdan keyingi kuzatuv.
• Tushuntirib bo‘lmaydigan vazn o‘zgarishlari, lanjlik, xavotir, yurak urishi tezlashishi, uyqusizlik, tirnoqlarning sinishi, soch to‘kilishi, shishlar, yutish qiyinligi va qalqonsimon bez bilan bog‘liq muammolarga ishora qiluvchi boshqa simptomlar.

Ushbu tekshiruvga mutlaq qarshi ko‘rsatmalar yo‘q. Qalqonsimon bez ultratovush tekshiruvi har qanday yoshda va har qanday holatlarda, jumladan homiladorlikda ham amalga oshirilishi mumkin. Biroq, agar bo‘yin sohasida ochiq yaralar mavjud bo‘lsa, jarayonni to‘liq bitgunga qadar kechiktirish tavsiya etiladi.

Har qanday simptomlar bo‘lmasa ham, kasalliklarni erta aniqlash uchun qalqonsimon bez ultratovush tekshiruvidan yillik ko‘riklar davomida o‘tishni tavsiya qilamiz. Bu davolash va sog‘ayish imkoniyatlarini sezilarli darajada oshiradi. Quyidagi guruhlar uchun tekshiruv juda muhimdir:

• Irsiy moyilligi bo‘lgan shaxslar.
• Qalqonsimon bez kasalliklari aniqlangan bemorlar.
• 40 yoshdan oshgan va ilgari qalqonsimon bezni tekshirtirmagan odamlar.
• Homilador yoki homiladorlikni rejalashtirayotgan ayollar.
• Yod yetishmovchiligi bo‘lgan hududlarda yashaydiganlar.
• Radiatsiya ta’siriga uchraganlar.
• Zararkli ishlab chiqarish korxonalari xodimlari va ko‘p vaqt kompyuter oldida o‘tkazadigan shaxslar.
• Gormonal preparatlar qabul qilayotganlar.

Homiladorlik davrida qalqonsimon bezning ultratovush tekshiruvi bo‘lajak onaning ushbu organ holatini nazorat qilish uchun qimmatli diagnostik usul hisoblanadi. Qalqonsimon bez moddalar almashinuvi va gormonal muvozanatni tartibga solishda muhim rol o‘ynaydi, bu homiladorlik davrida, ayol organizmi katta o‘zgarishlarga duch kelganida, ayniqsa muhimdir. Qalqonsimon bez hujayralari T3 va T4 gormonlarini ishlab chiqaradi. Ularning miqdori gipofiz bezidan chiqariladigan TSH deb nomlangan boshqa bir gormon bilan tartibga solinadi. Ushbu gormonlar homiladorlikning boshlanishi va kechishiga to‘g‘ridan-to‘g‘ri ta’sir qiladi. Qalqonsimon bez gormonlarining past yoki ortiqcha darajasi bola rivojlanishi va onaning sog‘lig‘iga salbiy ta’sir ko‘rsatishi mumkin.

Qalqonsimon bez faoliyatining buzilishi ayolning homilador bo‘lish qobiliyatiga salbiy ta’sir ko‘rsatishi mumkin:

• Qalqonsimon bez faoliyatidagi buzilishlar tufayli hayz sikli buzilishi tuxum hujayraning yetilishida muammolarga olib keladi;
• Gipoterioz (qalqonsimon bezning yetarli darajada faol bo‘lmasligi) bo‘lgan ayollar ovulyatsiya bilan bog‘liq muammolarga duch kelishi mumkin, chunki tuxumdonlar to‘g‘ri ishlamaydi va tuxum hujayra hosil qilinmaydi, shuningdek, erta homila tushishi xavfi mavjud;
• Qalqonsimon bezning buzilishi prolaktin gormonining ko‘payishiga olib kelishi mumkin, bu homiladorlikka erishishni qiyinlashtiradi;
• Gipoterioz tuxumdonlarda kistalar hosil bo‘lishiga sabab bo‘lishi mumkin, bu esa homiladorlikka xalaqit beradi;
• Agar qalqonsimon bez gormonlarni haddan tashqari ko‘p ishlab chiqarsa, moddalar almashinuvi tezlashadi, bu esa ayolning ortiqcha ozib ketishiga olib keladi va homilador bo‘lish imkoniyatini kamaytiradi.

Nima uchun homiladorlik davrida qalqonsimon bezni nazorat qilish muhim?

Homiladorlik davrida gormonlar homilaning normal rivojlanishi uchun muhim rol o‘ynaydi. Qalqonsimon bezning muntazam ultratovush tekshiruvi homilador ayolning sog‘ligini nazorat qilishning ajralmas qismiga aylanadi, chunki bu tekshiruv yordamida har qanday og‘ishlar o‘z vaqtida aniqlanadi va gormonal muvozanat saqlanib turadi.

Qalqonsimon bezning ultratovush tekshiruvi homilador ayollarda qachon tayinlanadi?

Qalqonsimon bezning ultratovush tekshiruvi homiladorlikning istalgan davrida o‘tkazilishi mumkin, ayniqsa, agar ayolda gipoterioz, giperterioz, tugunli bo‘qoq kabi qalqonsimon bez kasalliklari bo‘lsa yoki u bunday kasalliklarga moyil bo‘lsa. Ushbu tekshiruv qalqonsimon bez faoliyatining buzilishini ko‘rsatuvchi simptomlar paydo bo‘lganda yoki shifokorning boshqa umumiy tavsiyalariga ko‘ra o‘tkazilishi mumkin.

Qalqonsimon bez ultratovush tekshiruvi uchun maxsus tayyorgarlik talab qilinmaydi. Bemor qulay kiyim kiyishi va bo‘yin tekshiruvga ochiq bo‘lishi kerak. Jarayon oldidan bo‘yinga krem, losyon yoki boshqa vositalar surish tavsiya etilmaydi, chunki bu tasvir sifatiga ta’sir qilishi mumkin.

IMCda tekshiruv quyidagicha amalga oshiriladi:

1. Bemor tekshiruv uchun orqasi bilan yotadi, bo‘yin tekshiruv uchun ochiq bo‘lishi kerak.
2. Shifokor bo‘yinga maxsus gel surtadi, bu ultratovush to‘lqinlarining datchik va teri o‘rtasida yaxshi o‘tishini ta’minlaydi.
3. Shifokor datchik yordamida qalqonsimon bezni tekshiradi. Datchik ultratovush to‘lqinlarini yuboradi va ularning aks etishini qayd qiladi, bu esa qalqonsimon bez tuzilmasining tasvirini hosil qiladi. Tekshiruv taxminan 15-20 daqiqa davom etadi va og‘riq yoki noqulaylik keltirib chiqarmaydi.
4. Shifokor olingan tasvirlarni baholab, qalqonsimon bez hajmi, tuzilmasi, to‘qima zichligi va tugunli yoki kistoz tuzilmalarning mavjudligini tahlil qiladi. Ayniqsa, bezning bo‘laklarining simmetrikligi va atrof to‘qimalarning holatiga e’tibor qaratiladi.
5. Tekshiruv tugagandan so‘ng, diagnostik shifokor bemorga xulosa beradi.

Biz har doim eng yuqori sifatli diagnostikani ta’minlab, raqobatbardosh narxlarni taklif qilamiz. Jarayonning aniq narxini tibbiyot markazining administratorlaridan bilib olishingiz mumkin.